DAVAO CITY – Aron nga mapasabot pag-ayo ngadto sa mga nag-alima ug mga binuhing baboy ang tinubdan sa African Swine Fever (ASF), plano sa Hog Farmers Association of Davao nga bisitahon ang tagsa-tagsa ka mga Barangay sa siyudad.
Gipasabot sa asosasyon pinaagi sa ilang Presidente nga si Eduardo So, nga bisan walay natalang susama nga kaso dinhi sa dakbayan, angayan pa gihapon nga masayod ang mga hog raisers kung unsa ang mga maayong himuon aron nga dili maapektohan sa susama nga balatian ang mga baboy.
Subli sab kini nga nagpahimangno sa mga publiko nga mas maayong likayan ang pagpakaon sa mga alagang baboy ug lamaw nga posibleng usa sa mga gigikanan sa ASF.
Wala sab sumala pa angayan nga kabalak-an gumikan kay dili kini makaapekto sa mga tawo inay sa mga baboy lamang.
