Nagpahayag ang usa ka delegasyon nga gipangulohan ni Deputy Mayor Kouji Yoshidomi sa Hitachinaka, Japan, bahin sa ilang interes sa mga oportunidad alang sa pag-unlad sa lokal nga adunay panagbinayloay og ekonomiya pinaagi sa ilang courtesy call kang Davao City Vice Mayor Atty. J. Melchor Quitain Jr..
Ang panagpulong, nga gipahigayon sa bag-o nga Councilor’s Lounge sa Sangguniang Panlungsod, nagpasiugda sumala pa kini og kahinungdanon sa pagpakusog sa relasyon sa duha ka mga syudad.
Gipasabot sa Officer-in-Charge sa Davao City Investment Promotion Center (DCIPC) nga si April Marie Dayap, ang bahin sa nindot nga epekto niini alang sa kooperasyon ug ekonomikanhong kalamboan, nga ang siyudad andam sumala pa nga muatubang og bag-ong mga oportunidad alang sa pagtubo.
Giponting ni Deputy Mayor Yoshidomi ang bahin sa mga kasabutan nga gipirmahan atong 2018 ug 2019 tali sa mga chamber of commerce sa Hitachinaka ug Davao, apan, gumikan sa pandemya sa COVID-19 mao kini sumala pa ang nakababag sa dugang nga pag-uswag. Naglaom sumala pa ang opisyal nga magmalampuson ang kooperasyon sa ekonomiya sa duha ka mga syudad sa umaabot.
Nagpasalamaton usab ang Davao City Vice Mayor sa mga delegado ug nagpasabot sa makahinungdanon nga panagpulong aron magpahigayon sumala pa og dugang nga mga diskusyon ug mga kolaborasyon sa umaabot.
Nagalaom usab kini nga gumikan wala na ang pandemya, magpadayon na ang mga proyekto ug magkahiusa.
Kaniadtong miaging buwan, ang Japanese Ambassador Endo Kazuya mibista usab sa Davao City aron hisgutan ang susama nga mga oportunidad nga makatabang sa pagpalambo ning dakbayan.
