DAVAO CITY – Nagpaabot og pahasubo ang Davao City LGU ngadto sa pamilya sa mipanaw nga swimmer ug partisipante sa nahitabong Ironman 70.3 triathlon nga si Jerry Kasim.
Gikanayon ni Davao City Sports Development Division Head Mikey Aportadera nga gitutukan na sa panggamhanan ang makasubo nga panghitabo sa atleta.
Nangayo na sila og dugang impormasyon gikan sa mga safety personnel nga anaa sa maong panghitabo. Pagpaklaro sab ni Aportadera nga sumala sa ilang inisyal nga imbestigasyon, wala matud pa sipyat ang gitaganang safety measures atol sa maong kalihukan.
Niresponde sab ang emergency responders nga anaa sa lugar nga nagtabang pa sa paghatod niini sa balay-tambalanan. Wala sab nagdahum ang mga nasa Multi-Agency Coordinating Center nga mahitabo kini.
Nagpaabot na ang lokal nga panggamhanan ug ang organizer sa Ironman og tabang alang sa nabiyaang pamilya ni Kasim nga bag-uhay lamang gihatod sa ulahing kapahulayan kagahapon sa buntag, 24 human sa iyang kamatayon subay sa tradisyon sa mga Muslim.
Nakigkoordinar na sab ang panggamhanan uban ang Panabo City LGU og medical assistance ngadto sa 18 anyos nga si Gerald Tayag nga kasamtangang nagpaayo human sa pagkahiagum og injury ug pagka-comatose human sa gikalambigitang aksidente tali sa laing Ironman triathlete kaniadtong Marso 26.
via || Bombo LJF
