Helicopter nahagsa, 5 patay

Patay ang lima ka mga tawo nga sakay sa usa ka helicopter human kini mahagsa sa Mount Kilimanjaro sa nasud nga Tanzania.

Sumala sa Tanzania Civil Aviation Authority, paingon sa usa ka medical mission ang helicopter sa dihang kini nahagbong duol sa Barafu Camp.

Ang mga biktima nga sakay sa helicopter ang gilangkuban sa usa ka doktor, tour guide, piloto, ug duha ka langyawng turista.

Ang Mount Kilimanjaro adunay gitas-on nga 6,000 meters ibabaw sa lebel sa dagat, ug ang aksidente nahitabo sa mga 4,700 meters nga kahabogon.

Sumala pa matag tuig, kapin sa 50,000 ka mga turista ang mibisita sa Mount Kilimanjaro.