DAVAO CITY- Nagmalampuson ang gipahigayon nga Health Emergency Response Simulation Exercise (SIMEX) kaganihang buntag.
Pasado alas otso ang takna, gipangunahan sa City Health Office ug sa City Disaster Risk Reduction and Management Council ang SIMEX nga gitambungan usab kini sa mga nagkadaiyang ahensya sa kagamhanan nga ang tumong mamahimong andam kini sa posibling emerhensya sa hisgutanang panglawas dinhi sa dakbayan.
Nahimong scenario sa maong kalihukan ang kabahin sa Ebola Virus Outbreak nga kunuhay miigo dinhi sa syudad.
Kahinumduman nga una ng nagpagawas og abiso ang lokal nga panggamhanan sa Davao ngadto sa publiko nga karong adlawa, adunay ipahigayon nga Health Emergency Response Simulation Exercise (SIMEX).
Kini pangunahan sa City Disaster Risk Reduction Management Office (CDRRMO) kauban ang Davao City Health Office nga magsugod alas-8:00 karong buntag.
Samtang gihangyo ang mga pagsabot o kooperasyon sa publiko sa nasampit nga aktibidad ug kini ang lauman adunay masinati-an nga bug-at nga dagan sa trapiko.
Samtang naghangyo sab ang nasampit nga ahensya nga dili mobati ug kabalaka tungod usa lanag kini matang sa Simulation exercise.
