Daw misamot ang kusog sa tropical depression nga si Ada samtang nagpadayon ang paglihok niini sa sidlakang bahin sa Mindanao.
Ang katapusang lokasyon sa sentro niini ang anaa sa gilay-on nga 385 kilometros sa sidlakang amhinanang sidlakan sa Hinatuan, Surigao del Sur, kon 465 kilometros sa sidlakan sa Surigao City, Surigao del Norte.
Ang bagyo adunay maximum sustained winds nga 55 km/h duol sa sentro og paghaguros nga mokabat sa 70 km/h. Milihok kini pa-Northwest sa gikusgon nga 20 km/h ug adunay kusog nga hangin nga moabot sa 400 kilometros gikan sa sentro sa bagyo.
Samtang gipailawom sa Signal No. 1 ang pipila ka bahin sa Luzon, Visayas, ug Mindanao, lakip ang Sorsogon, Eastern Samar, Northern Samar, ug Surigao provinces.
Sumala sa forecast, gilauman nga molabay si Ada duol sa Eastern Samar ug Northern Samar sa Biyernes o Sabado sa sayong kabuntagon.
Human niini, posibleng molabay duol sa Catanduanes sa Domingo sa buntag sa dili pa molihis pa-amihanang-sidlakan sa adlaw nga Lunes.
Bisan pa niana, kung usbon ang direksyon niini pa-kasadpan og posible nga mag-landfall kini sa Eastern Visayas ug Bicol Region.
