DAVAO CITY – Dakpan sa mga otoridad ang 3 ka mga suspect sa Sirawan checkpoint gumikan sa tignuha nga pagpalusot ug ginadili nga druga nga shabu.
Giila ang mga dinakpan nga sila Ferbandoz Socrates De Gorio, 41 anyos, miinyo, ug residnete sa Ma-a, Davao City; Harsil B. Yanson, 42, minion, residente sa Mandaya Village, Saloroha, Talomo, Davao City; ug Joel A. Dalucanog, 49, minyo residente sa Mandaya Village, Saloroha, Talomo, Davao City.
Nasikop ang tulo ala 1:15 sa kagahapon sa kaadlawon atol sa mandatory inspection sa AFP-PNP Sirawan Checkpoint sa Toril, Davao City.
Gikanayon ni CPT JOHN LOUIE DEMA-ALA, Public Information Officer sa task force davao nga ma-isip nga usaka dakong kalampusan ang pagkasikop sa tulo ka mga suspect gumikan kay bitbit sa mga nahisgutan ang dakong kantidad sa shabu nga ilang gisulayan unta sa pagdala pasulod dinhi sa syudad.
Sumala ni Dema-ala sakay ang 3 ka mga suspect sa usaka itom nga Suzuki Van nga adunay plate MAU 2355 pasulod sa Davao City. nakuha gikan sa ilang posisyon ang duha ka dagkong sachet sa shabu nga nagtimbang ug 50.4 grams ug adunay estimated street value nga P806,400.00.
Gidayeg usab ni Task Force Davao Commander Colonel Darren E. Comia ang tropa sa dakong kalampusan niini. sumala pa ni Comia, ang maong kalampusan ang usa sa mga nahimong resulta sa mas gipahugtan nga border control measures nga gihimo sa security forces sa dakbayan sa dabaw human ang sunod-sunod nga mga pagpamomba sa silingang mga probensiya.
