DAVAO CITY – Moabot na sa halos dos sientos mil ang kinatibuk-ang ihap sa mga tablet ug laptop ang napang-apod apod sa lokal nga kagamhanan alang sa mga kuwalipikadong estudyante ilalom sa “Student-Sibling Tablet/Laptop Sharing” Project niini niadtong nakalabay nga tuig.
Labing ulahi nga nakadawat niini ang moabot sa dos sientos ka mga qualified nga estudyante niadtong milabay nga adlaw lamang.
Gikanayon ni PCUP Commissioner ug Davao City Special Projects Manager Norman Baloro, unang round pa lamang kini sa sunod-sunod nga tablet distribution alang karong tuig kasamtangnan 2022 alang sa mga indigent students.
Dugang pa ni Baloro nga nahimong posibli ang nahisgutang programa pinaagi sa maayong relasyontali sa lokal nga kagamhanan ug sa mga pribadong sektor nga mitabang aron matabang ang mga panginahanglanon sa mga kabus nga estudyante sa ilang pagtuon.
Sumala pa ni Baloro aduna pay 700 ka mga tablet ang gikatakdang ipanghatag sa uban pang mga qualified nga mga benepisyaryo sa mga mosunod nga mga semana.
