DAVAO CITY – Hingpit na nga gi-deploy sa mga hilit nga Barangay sa Davao region ang halos 200 ka mga kapulisan ilalom sa Police Regional Office (PRO) 11 aron nga motabang sa pagpatuman sa kahusay ug kalinaw sa mga Barangay.
Atol sa send off ceremony kagahapong adlawa sa mga sakop sa “Revitalized Police sa Barangay”, gipakatag sa mga nagkadaiyang barangay sa Davao region ang 189 ka mga pulis.
Sumala pa kang Capt. Rose Aguilar tigpamaba sa Davao City Police Office (DCPO), ipadala gilayon ang mga kapulisan sa pipila ka mga lugar sa rehiyon kini human nga nalagdaan na matud pa ang ilang bag-o nga assignment ug kung asa sila nga dapit ipahimutang.
Nasayran nga sa DCPO, 20 ka mga Non-commission officer ug walo ka mga commission officer ang kalakip sa mga ipadala sa hilit nga mga barangay.
Pahayag ni Capt. Rose Aguilar tigpamaba sa Davao City Police Office (DCPO).
Samtang gikanayon sab ni Capt. Jerry Lamosao, tigpamaba sa 10th Infantry Division (ID) Philippine Army nga dakong tabang ang kapulisan sa pagpatuman og kalinaw sa mga Barangay ingon man dali na sab nga mahatud ang gikinahanglan nga serbisyo sa mga lugar sa Davao region nga gikan sa gobyerno.
Pahayag ni Capt. Rose Aguilar tigpamaba sa Davao City Police Office (DCPO).
