DAVAO CITY – Ipahimutang sa half mast ang bandila nga anaa sa City Hall sa Agosto 20 sa mosunod nga semana.
Tipik lamang kini isip paghatag ug respeto sa mipanaw nga si City Treasurer Erwin Alparaque, 57 anyos nga namatay sa milabay nga semana human ang upat ka adlaw nga pagpakigbisog sa cerebral aneurysm.
Una ng nagpalabang ug resolusyon ang mga konsehal aron nga ipadayag ang pahasubo sa nahibilin nga pamilya sa opisyal ingon man paghinumdom sa mga nahimong kontribusyon niini sa siyudad diin 33 ka tuig kini sa nagserbisyo.
Kahinumduman nga nahimong assistant city treasurer ug chief of the Business Bureau si Alparaque.
Nahimo sab kining acting city administrator kaniadto ug hepe sa Human Resource Management Office.
Gikanayong dako ang natabang ni Alparaque, sa kampanya ni Pangulong Duterte kaniadtong 2016. Ang interment sa opisyal ipahigayon sa Agosto 20 sa Forest Lake sa Barangay Ma-a.
