DAVAO CITY – Gipasabot sa Philippine Atmospheric Geophysical and Astronomical Administration (Pagasa) nga “hail stone” o pag-ulan ug tipaka sa mga ice ang nasinatian sa Barangay Barayong, Magsaysay, Davao del Sur niining milabay nga adlaw.
Kahinumduman nga dungan sa kusog nga pagbundak sa kusog nga ulan, nangahagbong sab ang susama kadako sa mga jolen nga ice hinungdan nga nakurat ang mga residente sa lugar.
Mismong si Anthony Allada, tigpamaba sa lokal nga kagamhanan sa lalawigan ang nakasaksi sa maong insidente.
Una ng gitino sa PAGASA nga sagad sumala pa nga masinatian ang hail kung grabe ang kainit sa usa ka lugar nga maoy hinungdan sa pagsaka sa water vapor nga mahimong molampas sa gitawag nga freezing level (0°C) kung diin ang water vapor pwede nga mogahi ug mahimong ice.
Adunay pipila ka mga residente usab sa lugar ang nabalaka ilabi na nga bag-ohay lamang sab sila nga nakasinate ug kusog nga linog nga mihatud ug kadaut sa ilang mga propedad.
