DAVAO CITY – Anaa na karun sa kustodiya sa otoridad ug gipailalom na sa hugtanon nga imbestigasyon ang gikanayong duruha ka mga indibidwal nga gitudlong mi-hack sa system sa BPO Company nga VXI.
Hayan nga mag-atubang ug kasong paglapas sa Republic Act No. 10175 nga adunay tugbang nga pagkabilanggo sulod sa unom hangtud na sa 12 ka tuig ug mamahimong makabayad sab ug dili moubos sa ₱210,000 ang ipahamtang sa duruha ka mga wala gihinganlan nga indibidwal nga kanhi empleyado sab sa BPO.
Una ng nasikop ang mga suspek sa gilusad nga entrapment operation sa mga sakop Regional Anti-cybercrime Unit XI. Nasayran nga nag-Awol na sa ilang trabaho ang mga dinakpan samtang nag-resign na sab sa iyang trabaho dili pa lamang dugay ang usa sa dinakpan.
Nagpadangat sumala pa ang usa ka representante sa VXI dihang nasubay nga adunay lain nga nag-access sa ilang system ug nakahimo pagkuha ang mga suspetsado ug kuwarta nga gikan sa ilang pito ka mga kliyente.
