DAVAO CITY- Dali nga narespondehan sa kapulisan sa Sta. Ana ang nahitabong pagsulay ug lungkab sa usa ka establisemento sa Quezon Boulevard ning dakbayan sa Davao sa nakalabay nga kaadlawon.
Sa report gikan sa kapulisan, sumala pa ni P/Maj. Richeen Lagnayo, acting station commander sa Sta. Ana PNP nga narespondehan gilayon sa nagpatroyang kapulisan ang sumbong sa nakakita sa maong panghitabo ug sulod lamang sa “2 minutes and 45 seconds response policy” nga programa sa bag-ong liderato sa PRO-11, narespondehan ang nasampit nga lokasyon sa tindahan.
Sa karon nagpadayon pa ang gihimong imbistigasyon sa kapulisan kabahin sa pagsulay ug pagpangawat.
Una ng gilusad ni Regional Director, P/BGEN Nicolas Torre III ang “3-minute rule ” nga pagresponde sa mga police assistance gikan sa katawahan nga gipaubsan ngadto sa “2 mins ug 45 seconds”.
