DAVAO CITY – Mihangyo ang grupo sa mga magtutudlo nga hatagan pa sila og igong panahon aron makapahulay og tarung ug makapangandam alang sa pagpatuman sa face to face classes karong Nobyembre.
Sumala kang Benjo Basas, Chairperson sa Teachers’ Dignity Coalition, wala pa nakapahulay og maayo ang kadaghanan sa mga magtutudlo gumikan bag-ohay lamang natapos ang school year 2021-2022 niadtong Hunyo 24, gani sagad matud pa sa mga magtutudlo ang nagatrabaho pa gihapon hangtud karon.
Bisan paman, andam sila nga mutubag sa panawagan sa DepEd alang sa pag-abli sa klase karong bulan sa Agosto, apan buot niini nga makigdayalogo sa nasangpit nga departamento aron mapaminawan sab ang ilang mulo isip magtutudlo.
Ang pahayag ni Benjo Basas, Chairperson sa Teacher’s Dignity Coalition.
Dugang pa niini, pipila sa mga atubangong problema sa administrasyon sa plano niining in person classes mao ang kakulangon sa magtutudlo ug classrooms sa pagpatuman sab sa health protocol.
Subay sa Congressional Policy and Budget Research Department, mukabat sa 33,260 ang kinatibuk-ang bakanteng posisyon sa mga magtutudlo.
Sa Fiscal Year of 2020, mitagana og P1.82 billion ang Departamento aron tubagon ang kulang nga 10,000 teacher niadtong tuig 2021, samtang doble sab ang budget karong 2022 diin muabot sa P2.58 billion ang budget nga gitagana alang sa dugang sweldo base na sa bag-ong tranche sa Salary Standardization Law.
Via || Mel Valledor
