DAVAO CITY – Nagpadayag sa ilang kabalaka ang grupo sa mga hog raisers sa Davao Region human nga miubos karon ang ilang sales partikular na ang mga lechoneros ug backyard hog raisers ngadto sa 40 porsyento.
Sumala pa kang Hog Farmers Association of Davao Inc. (Hogfadi) president Eduardo So, nga ang presyo sa farm gate sa mga buhing baboy ang miubos gikan sa P105 matag kilogram (kg) ngadto sa P90 matag kilo o P85 per kg.
Gikanayong napugos karon ang mga backyard hog raisers nga paubsan ang ilang presyo kini tungod sa hinay nga demand diin gitudlong hinungdan niini mao sumala pa ang gipatuman nga lockdowns ug misleading information nga gibutyag sa mga restaurants kalabot sa African Swine Fever (ASF).
Gikanayong pipila sa mga restaurants ang nag-anunsiyo nga wala silay karneng baboy sa ilang mga sud-an dungan sa pagbutang ug mensahe nga “Iwas ASF.”
Ang susama sumala pa nga mensahe ang mohatud ug kahadlok sa publiko nga mokaon ug karne bisan nga ang maong disease makaapekto lamang sa baboy.
Gawas sa misinformation, ang paglakip sumala pa sa mga non-ASF infected areas sa rehiyon sa gipatuman nga lockdown ang usa sab sa rason nga apektado ang mga hog raisers.
Gikanayong makigtigom si So sa association uban ang regional directors sa Department of Agriculture (DA) aron nga planohan ang maayo nga protocols aron nga masolusyonan ang gipatuman nga lockdowns.
