DAVAO CITY – Padayon ang gipahigayon karon nga ground assessment sa mga otoridad sa mga landslide-prone barangay sa siyudad.
Sa inisyal nga report nga gipahigayon sa Juario Village sa Barangay Ma-a, Talomo District, gikonsidera ang lugar isip danger zone.
Gipahimangnoan ang mga residente sa mga Barangay nga mohikling ilabi na kung delikado kini sa pagdahili sa yuta.
Una ng gipangunahan ang operasyon sa City Disaster Risk Reduction Management (CDRRMO), Mines Geosciences Bureau XI (MGB XI), ug Department of Environment Natural Resources (DENR).
Gikanayon sab ni Mayor Inday Sara Duterte-Carpio nga ang Palmetto Place Davao sa Barangay Ma-a ang gi-condemn na sab.
Girekomenda siumala pa ang condemnation human ang kusog nga linog nga nagbilin ug liki sa mga bongbong, beams, channels ug poste sa buildings 2 ug 3 sa nahisgutan nga complex.
Angayan sumala pa nga bakantehon na sa mga residente ang condominiums ilabi na nga aduna nay notice nga gipagula niini ang Davao City Office of the Building Official.
Una ng gibutyag ni CDRRMO head Fred Baloran nga kinahanglan pahimangnoan sa Barangay Kapitan sa Maa ang mga residente nga nahimutang sa delikado nga lugar nga kinahanglan pabalhinon kini sa mas luwas nga dapit.
