DAVAO CITY – Wala napugngan ni Governor Edwin “Kuya Gov” Jubahib ang iyang luha samtang gipagawas niya ang iyang gibati taliwala nasinatiang inhustisya, atubangan sa katawhan sa Davao del Norte.
Dakong pangutana ni Governor Jubahib ang wala pagtagad sa iyang tingog isip representante sa mga kabos ug yanong tao kinsa nahimong biktima sa mga pulitikong hakog sa kwarta.
Nahiubos sumala pa si Governor Jubahib sa kapakyasan sa uban nga wala makita ang kaayuhang nabuhat niini alang sa probinsiya sukad nahimo siyang Gobernador.
Apan luyo sa tanang pagsulay nga mitungha kay Governor Jubahib, mas nikusog ang tim-os nga suporta sa mga katawhan sa Probinsya sa Davao del Norte kinsa mao ang buhing saksi sa kamaayo ug kakugi sa halangdong gobernador.
Samtang sa laing bahin, padayon gihapon ang pagpakita ug suporta sa mga kaalayado niini sa pulitika sa kapitolyo ug mga katawhan nga gikan sa nagkdaiyang kabahin sa probinsya ilabi na sa IP community.
Kahinumduman nga una ng gibutyag ni Cong. Pantaleon Alvares nga adunay kalabutan ang suspension order kabahin sa umaabot nga Prayer rally sa probinsya kabahin sa Peoples Initiative.
Gibutyag sa kanhing speaker nga adunay emisaryo sumala pa nga gipadala ang buhatan ni SPecial Assistant to the President Anton Lagdameo aron nga dili ihinayon ang rally apan wala kini paminawa sa gobernador.
Sa karon padayon nga nagpabilin si Jubahib sa kapitolyo bisan paman sa suspension order nga gipakanaog gikan sa malakanyang.
