Ginalaumang mas mokusog pa ang kampanya sa gobyerno batok sa climate change atol sa bag-ong pagsulod sa $13.5 billion nga pondo gikan sa mga development partners sa nasud.
Base sa datus sa Department of Environment and Natural Resources kon DENR, ang climate action intiative sa gobyerno ang ginasuportahan sa hangtod 31 ka development partners gikan sa nagkadaiyang bahin sa mga sektor.
Kini ang gilangkuban sa hangtod 94 ka proyekto kon diin 23 niini ang ginapondohan sa utang og mao ang mibuo sa 96% sa $13.5 billion nga pondo.
Lakip sa mga sektos nga ginapokus ang mga proyekto mao ang transportasyon, pag-uma, waste and industrial process ug energy sector.
Ubos na lamang sa transport sector, ang mga proyekto niini ang aduna nay hangtod $11.79 billion nga pondo ug ginagamit sa 21 projects diin 19 niini ang nagapadayon na samtang ang duha ang ginasugdan pa lamang.
Aduna usab $81 million grants alang sa agriculture sector nga nagasuporta sa livelihood sa mga mag-uuma ug pagpasulod og smart agricultural technologies.
Ubos sa waste and industrial process sector, adunay kapin $20 million nga pondo nga gigasto alang niini.
Pipila sa mga development partners sa DENR mao ang Japan International Cooperation Agency, United States Agency for International Development, European Union, United Nations Development Program and World Food Program, World Bank ug uban pa.
