DAVAO CITY – Gibaharan ni Davao del Norte Governor Edwin Jubahib ang Northern Davao Electric Cooperative kon NORDECO sa pagpahunong sa operasyon sa ilang franchise areas sa pipila ka bahin sa probinsya.
Samtang hingpit niyang ipahulip ang Davao Light and Power Company isip bugtong power distributor sa tibuok probinsya.
Subay sa gipagawas nga pamahayag atol sa indignation rally batok NORDECO kagahapon, gipunting ni Jubahib ang nagpadayong pagkasayop ug pagka-walay kaarang niini sa pagpanerbisyo sa katawhan.
Dugang pa, taliwala pa man sa nagkadaghang apela gikan sa LGU, patigayon ug katahwan, nagpabilin gihapong pakyas ang kumpanya sa pagpa-uswag sa ilang serbisyo nga giantusan sa probinsya sa dugayng panahon.
Giawhag ni Jubahib ang katawhan nga suportahan ang mga sugyot balaudnon nga gisang-at karon sa Kongreso nga magpalugway sa prangkisa sa Davao Light ngadto sa mga lawak nga giserbisyohan sa NORDECO.
Atol sab sa rally, nanawagan sab ang gobernador kang Pangulong Bongbong Marcos, Senado ug Kongreso nga paminawon ang ilang agulo alang sa maayong serbisyo.
via || Bombo LJF
