DAVAO CITY – Gikalisang sa mga motorista nga naglatas sa kadalanan sa Sta. Ana Avenue, Davao City ang usa ka suspetsadong kabtangan gawas sa Davao Chong Hua High School kagahapon.
Naghatud ang maong panghitabo ug bug-at nga trapiko sa ubang kadalanan sa dakbayan.
Subay sa report, usa ka street sweeper sa lugar ang nakamatikod sa maong item. Gikabalak-an kini kay basin mubusikad kini sa mismong turnohanan sa mga pampasaherong dyip.
Matud pa, usa kini ka bug-at nga item nga dunay nakakabit nga wires ug nag-vibrate kini. Dayong gi-kordon ang area pag-abot sa EOD – K9 team sa Central 911 ug nagpahigayon og imbestigasyon.
Diha pa nasayran nga usa kini ka fuse box. Pagka-alas 4:45 sa hapon, gideklara sa EOD nga cleared na ang maong item ug nagbalik na sa normal ang trapiko sa maong kadalanan.
Subling gipahimangnuan ang tanan nga mag-igmat ang tanan ug ipabilin ang culture of security sa dakbayan pinaagi sa pag-report kon aduna’y kaduda-dudang kabtangan.
via || Bombo LJF
