DAVAO CITY – Gipamulong sa Kilusang Mayo Uno-Southern Mindanao Region nga dili paigo ang gipatumang P16 nga dugang sa minimum wage sa mga trabahante dinhi sa Davao Region.
Gikanayon ni John Paul Dizon, secretary general sa KMU-SMR, nga dili gihapon makatabang ang maong second tranche sa fare increase sa kitaan sa mga empleyado gumikan sa nagpahinabong taas nga inflation rate.
Dugang pa sa grupo, gipahingusgan karon ang usa ka balaod nga magtakda og P1,100 family living wage aron makapalit ug panginahanglanon ang mga empleyado, ug ingon mang makapalagsik pagbalik sa ekonomiya sa nasud.
Gihagad sab sa grupo ang DOLE nga i-monitor ang pipila ka mga establisyemento nga wala nagsunod sa maong balaod, ug makahimo pa sa pagpatuman og contractualization aron malikayan ang regularization sa mga trabahante.
Kahinumdumang gipatuman sugod Enero 1 ning tuiga ang ikaduhang bahin sa tranche increase sa daily minimum wage alang sa Davao Region diin maanaa sa P443 ang kitaan alang sa pribadong kumpanya nga dunay lapas sa napulo ka mga empleyado; ug P428 ang madawat sa susamang mga pribadong kumpanya nga dunay ubos sa 10 ka empleyado, samtang P438 sab ang kitaan alang sa agricultural sector.
via || Bombo LJF
