DAVAO CITY – Pormal nga gitugyan sa usaka dakong mall nga nahimutang sa Buhangin ning syudad sa Dabaw ngadto sa lokal nga kagamhanan ang gipatukod niining “The Dome” isip dugang quarantine facility alang sa mga pasyente sa COVID 19.
Sa usaka pamahayag gikanayon ni Sharlene Faye Lim, Presidente sa New City Commercial Corporation (NCCC) Malls nga ang nahisgutang pasilidad ang isip kontribuyson sa ilang kompanya sa kampanya sa syudad batok COVID 19.
Sumala ni Lim, ang nahisgutang dome ang adunay katakos nga maka-akomodar ug hangtud 78 ka mga pasyente nga makaplagan sa Parking Area sa NCCC Victoria Plaza sa Jose P. Laurel, davao city.
Mopahimutang usab ang department of health ug mga nurses ug doktor nga motutok sa mga pasyente sa nahisgutang quarantine facility.
Gawas niini, aduna usay mga personahe nga ibutang ang lokal nga kagamhanan sama sa non-medical, utility, ug police aron motabang sa operasyon niini.
Magbutang usab ug usaka director aron modula niini ilabi na sa panginahanglan sa operasyon sa pasilidad.
Gipaniguro usab ni Lim nga mopahigayon kini ug disinfection sapalibot bisan ug layo kini sa mall aron masiguro nga luwas ang ilang mga customers.
Target sumala pa sa kompanya nga modugang ug pasilidad nga adunay 1,000 bed-capacity isip kabahin sa pagpangandam sa syudad kung ugaling modaghan ang kaso sa COVID-19.
