Gipakaulawan sa Gilas Pilipinas ang World Number 6 nga Latvia sa iskor nga 89-80 alang sa Fiba Olympic Qualifying Tournament kaganihang kaadlawon, oras dinhi sa Pilipinas.
Gihimo ang maong dula sa Arena Riga sa Latvia.
Gipildi sa world number 37 nga Gilas ang kuponan sa Lavia sa mismong tugkaran niini sa labing unang higayon sulod sa 64 ka tuig, rason nga tumang kakurat matud pa ang gibati ni Gilas coach Tim Cone.
Nanguna sa maong dula sila si Naturalized ace player Justin Brownlee kansa ningbuhagay og halos triple-double nga adunay 26 puntos, siyam ka rebounds, ug siyam usab ka assists, samtang ning itsa usab si Kai Sotto ug 18 puntos niini ug Dwight Ramos nga nakatala ug 11 puntos.
Sa kasamtangan on track na ang Gilas alang sa crossover knockout phase diin mamahimo niining makabangga ang Cameroon, Brazil o kaha ang Montenegro, kini ugaling mapildi nila ang Georgia unyang gabii.
