DAVAO CITY – Nakalot sa usa ka mag-uuma sa Purok 27, Sitio Puting Bato, Barangay Ngan, Davao de Oro ang usa ka eksplosibo sa nakalabayng adlaw.
Sumala sa report sa Davao de Oro Police Provincial Office, nakadawat sila og report gikan kang Wendel Mark Mansano, 32 anyos nga mag-uuma ug residente sa maong dapit.
Sumala pa, naghurnal ang nahisgutan sa luna sa usa ka Nemia Boquinlasan niadtong tungura dihang nakita niya ang gilubong nga eksplosibo.
Gilayong miresponde ang mga otoridad lakip na ang explosives unit aron maglusad og operasyon. Diha napalgan ang duha ka mga Cylindrical Improvised Explosive Device nga gibalot sa 100 metros nga electronic wire.
Malampuson kining na-retrieve og karon gikustodiya na ang maong kabtangan sa Charlie Coy EOD 66 Infantry Batallion sa Philippine Army.
Hingpit nga nagpahimundom ang kapulisan nga dili magpataka og gunit sa mga kadudadudang ekplosibo, sanglit i-report dayon kini sa pinakaduol nga istasyon sa pulis.
via || Bombo LJF
