Sulayan sa Berlin nga makig-istorya kang US President Donald Trump gikan sa iyang desisyon sa pag-atras sa Estados Unidos gikan sa World Health Organization.
Mao kini ang gipaambit sa Germany’s health minister.
Matud pa sa ahensya sa UN nga kini nagalaum nga ang nag-una nga donor nga nasud mausab pa ang ilang hunahuna ug nanghinaot sa usa ka constructive dialogue sa grupo ni Trump.
Sa gipasabot ni Karl Lauterbach nga ang pag-anunsyo sa bag-ong presidente sa US nga mobiya sa World Health Organization (WHO) usa ka “serious blow” sa internasyonal nga away batok sa mga krisis sa kahimsog sa kalibutan.
Hinungdan nga ilang paningkamutan nga kombinsihon si Donald Trump nga ikonsiderar kini nga desisyon.
Gianunsyo ni Trump ang pag-atras niadtong Lunes, nga gikanayon ang ahensya sa kahimsog sa kalibutan nasayop sa pagdumala sa pandemya sa COVID-19 ug uban pang mga krisis sa kahimsog sa internasyonal.
Sa una nga reaksyon sa ahensya sa UN sa lakang, ang tigpamaba sa WHO nga si Tarik Jašarevi, misaysay sa mga tigbalita sa Geneva nga nanghinaut sila nga ang Estados Unidos magkonsiderar pag-usab diin dili lamang alang sa mga Amerikano apan alang usab sa mga tawo sa tibuok kalibutan.
