DAVAO CITY- Gikanayon sa usa ka Political Analyst nga si Ramon Beleno III nga posibleng back channeling, ang gibuhat nga Gentleman’s Agreement ni Former President Rodrigo Roa Duterte tali sa nasud China samtang gaserbisyo pa kini isip Pangulo sa nasud.
Pagpasabot sa maong Political Analyst nga ang maong back channeling ang usa ka lakang nga ginabuhat sa panggamhanan diin dili kini inatubangay nga konesyon.
Apan mao kini ang pagpangita og posible nga persons of influence ngadto sa China nga mamahimong maka impluwensya sa mga leader sa maong nasud aron ikonsidera ang pipila ka programa ug polisya sa mao nga nasud.
Pagbutyag pa niini nga ginagamit ang maong back channeling samtang wala pa ang pormal nga peace negotiation sa duha ka partido.
Sumala pa ni Beleno nga dili kini ang labing unng higayon nga gigamit ang maong lakang diin kon kahinumduman, sa miaging administrasyong Noynoy Aquino, gipadala sa niini si kanhing Sen. Trillanes aron makignegotiate ngadto sa China.
Dugang pagpasabot pa sa maong political analyst nga kinahanglang “authorized” gayud sa leader ang maong pagabuhatong back channeling ayha pa man kini mahitabo.
Dugang pa ni Beleno nga magdepende gayud sa mamahimong mando sa Pangulo ang pagabuhaton nga back channeling.Lakip na usab niana mao ang kinsa ba ang ipadala aron makipag-negotiate sa maong mga Lider.
via // DMA
