DAVAO REGION- Mihatag karon ug katin-awan si PBGen. Nicolas Torre III,ang Regional Director sa PRO XI, nga ang 3 minute response nga buot niining ipatuman sa rehiyon ang nakasentro lamang ang implementasyon sa mga sentro nga bahin sa Syudad kon urban areas.
Giklaro heneral nga dili ipatuman sa mga hilit nga mga lugar kon rural areas sanglit dili kini makaya sa 3 minute response time nga gi-alokar niini.
Gipasabot sab niini nga ang katuyuan sa ipatuman niini nga programa mao ang pagresponde gilayon sa mga problema o krimen nga nahitabo sa sentro nga bahin sa syudad nga nagkinahanglan ug hinanaling aksyon tungod sagad kini mahitabo.
Mao kini ang nahimong pagpaklaro sa ni Gen. Torre human sa pipila ka mga pagsaway kalabot sa ipatuman niini nga sistema sa pagresponde sa krimen ug uban pang concern gikan sa katawhan.
Kahinumduman nga lakip sab sa mibatikos si Davao City Mayor Sebastian Baste Duterte ug gikanayon niini nga imposible sumala pa kini matuman.
Una ng gibutyag sa PRO 11 nga sa sunod nga semana pormal na kining ipatuman dinhi sa syudad nga una na kining nasulayan sa pipila ka mga kapulisan sa dakbayan ilabi na sa Sta. Ana PNP niadtong miaging semana human nga adunay misulay sa paglungkab sa usa ka establisimento sa Quezon Blvd. nga dali ra usab kining narespondehan ug napugngan ang krimen tungod usab sa pagtawag sa nagpakabana nga katawhan sa maong dapit.
