Nagpahayag si PRO 11 PBrig. General Nicolas Torre III kalabot sa pagdakop kang Pastor Apollo Quiboloy atol sa flag raising ceremony sa PRO 11 nga naka FB live stream.
Iyaha kining giingon dihang mipasibaw siya saiyang gibati sa matod pa pagpakaulaw kaniya sa mga taga Kingdom of Jesus Christ (KOJC). Wala na gidetalye sa heneral ang maong pahayag.
Ginganlan sa heneral sila kanhi NTF-ELCAC spokesperson Lorraine Badoy, SMNI Host nga si Jeffrey Celiz ug ang legal counsel ni Pastor Apollo Quiboloy nga si Atty. Israelito Torreon nga daw nagpakaulaw kaniya nga daw siya sinugo.
Sigon ni Torre dili niya prayoridad sa karon si Pastor Quiboloy kay duna daw ubang ahensya nga nagapangita kang Quiboloy nga dunay warrant of arrest.
Gitawag na sab ni Torre nga pugante ug kriminal si Quiboloy nga daan ng gialmahan ni Atty Torreon sanglit ilawm matod pa sa balaod di ka matawag nga pugante kung wala pa ka makumbikto.
Gikwestyun pa sab nila ang gipasakang kaso batok sa pastor.
Gibutyag sab ni Torre nga apil daw siya sa mga naga-jogging diha atbang sa KOJC kauban ang ubang pulis.
Dugang sa heneral ang KOJC ra matod pa ang nagareklamo sa ginahimong checkpoint duna man daw daghang mga establisyemento sa lugar ug duol sab sa airport.
Apan gibatikos kini ni Atty. Torreon sanglit kwestyunable sumala pa ang legalidad sa checkpoint wala man matud pa’y kaso nga magpahigayon og checkpoint ang kapulisan apan katingad-an matod pa nga walay mga nameplate ang mga pulis ug naka high-powered firearms pa kini.
