DAVAO CITY – Bout patun-an pag-usab sa usa ka konsehal ang traffic signalization sa dakbayan. Sumala pa kang Konsehal Danny Dayanghirang nga iyang ipa-review ang traffic signalization sa dakbayan kung naha-um ba ang paggamit sa pundo.
Una nang nasayran nga ang dakbayan sa Davao dunay ayuda ubos sa ilang budget matag tuig. Nasayran nga niadtong 2015 duna kini’y gahin nga dose milyones ka pesos, 2016 dunay gahin nga singkwenta y sais milyones ka pesos nga alang lamng kini sa maintainance ug uban pa nga pagpalambo traffic signalization.
Sa tuig 2016 – traynta y sais milyones ka pesos ang gahin sa dakbayan.
Nasayran nga dunay resolution ang konseho nga ang Abratique nga mao ang naka-mentina sa traffic signalization sa dakbayan, kinahanglan nga mosumete ug terminal report.
Kung mapakyas ang kompanya ang dakbayan sa Davao mangita ug laing kompanya nga makahatag sa uban pa nga mga kalambo-an sa traffic signalization sa dakbayan.
Duna sumala pa’y padayon nga paggahin ug pundo sa MOOA nga molungtad ug duha ka tuig, ayha kini i-revalidate.
Sa kasamtangan namatikdan sa konsehal nga daghanan na nga mga nambuto nga mga suga ug duna sa’y mga kanto sa dakbayan nga wala na kayo ga-function ang mga traffic light nga nagkahulogan nga wala kayo mamintina ang nahisgutan nga mga kahimanan.
