Gihulat sa mga opisyal ang pirma sa byuda sa retiradong heneral ug kanhi executive sa Philippine Charity Sweepstakes Office (PCSO) nga si Wesley Barayuga sa reklamong pagpatay batok sa mga personalidad nga matod pa nalambigit sa pagpatay sa iyahang bana.
Gipahayag ni PNP spokesperson Jean Fajardo, adunay nakaandam nga affidavit ug kung ugaling adunay idugang sa affidavit, open ang PNP.
Nahilakip sa mga posibleng respondent sa reklamo mao sila si kanhi National Police Commission commissioner Edilberto Leonardo, ex-PCSO general manager Royina Garma, Lieutenant Colonel Santie Mendoza, police officer Nelson Mariano, ug usa ka alyas Loloy, nga matod pa hired gunman.
Gimando kuno ni Garma ug Leonardo ang pagpatay, samtang nangita si Mendoza ug Mariano ug hitman.
Nahilakip usab sa reklamo ang empleyado sa PCSO nga si Sergeant Jeremy Causapin alyas Toks, nga mao ang mihatag ug bayad gikan kang Garma.
Samtang gipdayon usab sa PNP ang imbestigasyon sa mga gibutyag ni Garma sa pagdungod sa Quad Comm nga adunay kalabutan sa reward system sa mga pulis nga makapatay ug drug suspect sa panahon sa nakalabayng administrasyon.
