Gikumperma ni kanhi US President Donald Trump nga dili na mabalik ang gamay nga bahin sa dalunggan niini nga naigo sa bala sa dihang kini ang gipusil sa 20-anyos nga suspek sa Pennsylvania.
Matod pa ni Trump, na-secure dayon kini sa Secret Service homan sa assassination attempt.
Apan gumikan sa kagustuhan sa mga security personnel nga maprotektahan ang nahisgutan, nahimong paspas ang paglihok sa mga nahisgutan ug natanggal pa ang sapatos niini.
Dugang pa ni Trump, gusto pa unta niining mamulong apan gikinahanglan na nga mubiya sa lugar.
Nakaangkon usab kini ug garas sa iyahang braso nga nakuha niini sa paghapa.
Gipahayag pa niini nga mutambong kini sa lubong ni Corey Comperatore, ang usa sa mga mitan-aw sa iyahang pagpamulong nga nadamay sa pagpamusil.
