DAVAO CITY – Human ang duruha ka tuig human nga gipasirado, hingpit na nga ablihan ang Gaisano Capital Mall sa Mintal karong Disyembre 14.
Sumala pa kang City Planning and Development head Ivan Cortez nga gi-settle na sa Cebu-based Taipan Development Inc. ang ilang administrative penalty upat ka bulan na ang milabay tungod sa kalapasan sa Comprehensive Zoning Ordinance kaniadtong July 2017.
Una ng gipasakahan og reklamo sa City Government ang kompanya human nga gitukod kini sa medium-density residential area ug sa water resource zone sa Catalunan Pequeno.
Nasayran sab kang Cortez nga gi-reclassify sab sa City Council ang area diin gitukod ang gambalay.
Mikuha na sab ang kompanya og necessary permits sama sa Building Permit and Occupancy Permit gikan sa Office of the City Building Official (Ocbo).
Kahinumduman nga kaniadtong Hulyo 12, 2017, pipila ka bulan nga giduso ang zoning case, nagpagula na sab ang siyudad og laing lawsuit sa kompanya gumikan sa kalapasan sa National Building Code human nga napakyas kini sa pagkuha og permits ayha ang pagtukod sa gambalay.
Human nga nakakuha og occupancy permit, mamahimong makakuha na sab ang kompanya og business permit.
