DAVAO CITY- Kapin 5,000 ka mga partisipante ang ginaluman sa City Disaster Risk Reduction and Management Office kon CDRRMO nga mupartisipar alang sa ipahigayong full-scale shakeout drill karong umaabot nga Hulyo 26, 2024.
Sumala pa ni Lyndon Ancajas ang Acting Division Head sa Admin and Training sa CDRRMO ug Head Facilitator alang sa umaabot nga citywide full-scale shakeout drill nga ang kalihukan ang usa lamang ka simulation exercise apan kinahanglang mopartisipar niini ang tanang nga dabawenyo.
Pagpasabot pa ni nga sa hisgutanang ‘full-scale” nalakip na niana ang response, evacuation, management nga magbuhat sa management procedures, adunay imuntar nga incident command post, i-establish ang governance, public service utility planning, ug mga pribado nga establishimento.
Dugang pa ni Ancajas nga nagapasabot lamang kini nga lakip sa mga mupartisipar ang mga barangay, tulunghaan, ospital, mall, establishments, mga opisina sa gobyerno, local responders ug tanan nga responders.
Pagbutyag pa ni Anacajas nga ensaktong alas nuebe sa buntag karog umaabot nga Hulyo 26, adlawng biyernes, magsugod ang mao nga drill.
Isip pagsugod sa mao nga drill, ensaktong alas 9 sa buntag, adunay mahitabo nga usa ka minutong earthquake drill, diin obserbahon gayud ang duck, cover and hold.
Human niana mag-evacuate matud pa ang mga katawhan gikan sa mga buildings, eskwelahan o balay pagawas sa maong establishimento.
Dugang pa niini nga eksaktong alas 9:05 sa buntag, i-simulate usab ang first sign sa uproaching tsunami buot pasabot niini nga patingugon ang tanang siren sa syudad.
Aduna usab imuntar nga safe area ang maong mga ahensya diin mahimutang kini sa Crocodiles Park ning syudad.
Pahimangno usab ni Ancajas ngadto sa mga dabawenyo nga dili gayud magpanic tungod kay drill lamang ang mahitabo nga aktbidad.
