DAVAO CITY – Nakatala sumala pa ang Davao City Police Office (DCPO) ug kinatibuk-ang 1,708 personalidad nga nasikop dinhi sa siyudad human nga nalambigit sa illegal drug activities sukad nga ilang gilunsad ang second wave sa “Oplan Double Barrel: Reloaded” kaniadtong Disyembre 2017.
Sumala pa kang Police Captain Maria Teresita Gaspan, tigpamaba sa Davao City Police Office (DCPO), aduna pa gihapoy mga drug-related crimes nga natala sa siyudad bisan nga gipahugtan pa sa kagamhanan ang anti-illegal drugs campaign.
Subay sa statistics nga gipagula ni Gaspan, kinatibuk-ang 1,708 drug-related arrests ang natala sa sukad Disyembre 5, 2017 hangtud na Hulyo 23, 2019, sa mga nagkadaiyang police stations sa dakbayan.
Gikanayong ang Sta. Ana Police Station (PS) adunay 470 apprehensions gisundan sa Bunawan PS (301), Talomo PS (215), Sasa PS (200), San Pedro PS (149), Buhangin PS (106), ug Toril PS (104).
Ang uban nga police stations aduna sumala pay ubos sa 60 ang nasikop. Gitataw sab ni Gaspan nga sa kasamtangan ila pang sigubay ang mga bag-ong suspetsado nga nahilakip sa ilang listahan.
Gisikop sumala pa ang mga suspetsado pinaagi sa gipagulang search warrants ug warrants of arrests.
Gikanayong ang mga gikatahapan nga mga users ug pushers nga mitahan atol sa Oplan Tokhang ang gipailalom sa community-based rehabilitation and aftercare program (CBRAP) sa siyudad apan luyo niini pipila pa gihapon sa mga nahisgutan ang mobalik pa gihapon sa illegal drugs.
Samtang magpadayon sumala pa karon ang monitoring sa DCPO sa mga drug-related crimes ilabi na nga nagkaduol na sab ang kasaulogan sa Kadayawan Festival.
