Subling giakusahan ni kanhi Pangulong Rodorigo Duterte si Pangulong Ferdinand Marcos Jr., nga kini nagagamit matud pa og droga.
Sumala pa sa kanhing Pangulo, nga gumikan sa walay undang nga paggamit matud pa ni PBBM sa heroine, mamahimo sumala pa kining makaabot sa edad nga 80, apan dili na kini makalihok ug magpabilin na kining nakahigda lamang.
Kahinumdumang dili lamang kini ang unang higayon nga giakusahan ni Duterte si Marcos nga migamit og iligal nga droga nga mao sab ang kanunay nga ginalimod sa Pangulo.
Samtang gibatikos sab ni Davao City Mayor Sebastian Baste Duterte si Pangulong Ferdinan Marcos Jr., nga sumala pa gidala niini ang nasud sa abusadong panggobyerno.
Gikanayon niini nga daw nausab ang gibuhat nga pagpang-abusar sa kagamhanan sa iyahang amahan nga si kanhing Pangulong Ferdinand Edralin Marcos Sr.
Inay nga kinahanglan magduso og maayong pagdumala, lahi na sumala pa ang gibuhat, diin mao ang pagpangabusar sa katungdanan.
