DAVAO CITY – Nagpaabot og pahasubo si kanhi pangulong Rodrigo Duterte sa mga kaubanan ug pamilya sa nitaliwan nga kanhi Davao Archbishop Fernando Capalla nga gikonsiderang usa ka maayong higala ug magtatambag.
Sumala ni Duterte nga iyang giila ang pag-abot ni Archbishop Nanding sa kinabuhi sa mayor isip usa ka public official ug pribadong indibidwal.
Pag-angkon pa nga kanunay siyang ginatambag sa mga gikaatubang nga isyu ug matud pa, taas ang respeto niini sa arsobispo.
Si Capalla sab ang gikonsiderang peace advocate for Mindanao ug usa sa mga kritiko sa kanhi pangulo sa iyang duguon nga kampanya batok ilegal nga droga.
Dugang pa nga kanunayng ginatabag niya ngadto sa kanhi pangulo nga paminawon ang katawhan.
Kahinumduman nga giduaw ni citizen Digong ang haya sa arsobispo human kini nakighinabi sa mga sakop sa midya ning milabayng gabii uban ang asawa niining si Honeylet Avancena.
Gibutyag sab sa kanhi Mayor sa Davao City nga katulo ka higayon siyang nagasimba mtag Dominggo.
Hinuon, gipaambit niini ngadto sa kadaghanan nga usa na siya ka diosnon nga tawo karong panahuna.
