Milarga na sumala pa padulong sa Maynila si kanhi Pangulong Rodrigo Duterte kauban ang anak niini nga si Kitty, aron nga mutambong sa pagdungog sa Senate Blue Ribbon Committee mahitungod sa “drug war” diin ipahigayon ugmang adlawa, adlawong lunes.
Subay sab niini, gikumpirma ni Senador Ronald Bato Dela Rosa ang maong pag-atubang ni Duterte sa maong pagdungog.
Human kini nag-post si Dela Rosa sa usa ka litrato sa iyahang account niadtong Biyernes, uban ang kanhi pangulo, partner ni FPRRD nga si Honeylet Avanceña, ug ang kanhing speaker nga si Pantaleon Alvarez sa usa ka dinner.
Sigon sab ni Dela Rosa, nga gisiguro sa iyaha ni Duterte nga mutambong kini sa imbestigasyon sa Senate Blue Ribbon Committee.
Una nang gibutyag ni Senate Minority Leader Aquilino Koko Pimentel III niadtong Huwebes nga dili matud sigurado ang presensya ni Duterte sa Lunes, gumikan nagduha-duha matud pa kini.
Sigon sab ni Pimentel nga pagasugdan na gayud ugmang adlawa ang maong imbestigasyon sa Senado, labot sa mga pagpatay nga adunay kalambigitan sa war on drugs sa kanhing administrasyon.
Gawas pa kang Duterte, imbitado sab sa maong imbestigasyon sa Senado sila retired Police Colonel Royina Garma, kanhi National Police Commission commissioner Edilberto Leonardo, kanhi Senadora Leila de Lima, Kerwin Espinos, ug ang mga pamilya sa mga biktima sa drug war killings.
