Nangandam na ang kampo ni kanhing Pangulong Rodrigo Duterte aron nga magduso og reklamo batok sa mga ginsakpan sa Philippine National Police nga nagsilbi sa warrant of arrest batok kang Kingdom of Jesus Christ (KOJC) leader Pastor Apollo Quiboloy ug sa lima pa niini ka mga indibidwal.
Sumala kang Duterte, migamit sumala pa ang kapulisan ug excessive ug unnecessary force sa pagsilbi sa warrant.
Isip sumala pa tinuboy nga administrator sa KOJC, gikaguol niini ang nasampit nga panghitabo ug kini ang hinungdan nganung siya ang mobuhat og legal nga lakang batok sa mga operatiba sa PNP.
Sumala pa sa kanhing Pangulo, gitahasan na niini ang mga miyembro sa KOJC nga naagrabyado ug na-trauma sa gilusad nga operasyon nga i-andam ang ilahang affidavit.
Ipalakip sab niini ang imbentaryo sa mga kabtangan sa KOJC nga nangaguba.
Kahinumduman, sa nakalabay nga semana miadto ang mga myembro sa PNP aron nga isilbi ang warrant sa Pastor ug sa uban pang kaubanang akusado niini.
Wala sila gilayon nakasulod gumikan sa miyembro niini nga mibabag sa kapulisan.
Una nang nanawagan ang DOJ sa mga miyembro ng KOJC nga dili babagan ang mga pulis tungod mitumang sila kung unsa ang ilahang trabaho.
