FPRRD gilimod nga adunay ginahatag nga reward sa PNP og magmalampuson ang war on drugs operation

Gilimod ni kanhing Pangulong Rodrigo Duterte nga adunay reward system sa implementasyon sa iyahang war-on-drugs niadtong panahon sa iyahang administrasyon.

Gikanayon niini nga matag adunay malampuson nga accomplishment ang mga kapulisan iyaha kining ginapakaon lamang ug ginahatagan ug ilimnong makahubog.

Dili sumala pa modawat ang kapulisan ug kwarta tungod maulaw sumala pa kini.

Kini ang nahimong reaksyon sa kanhing Pangulo sa alegasyon ni retired police colonel Royina Garma nga adunay cash reward ang mga kapulisan sa war on drugs sa nakalabay nga administrasyon.

Anaa sumala pa sa P20,000 hangtod sa P1-milyon ang mga kwartang ihatag ni Duterte sa mga kapulisan nga malampuson nga accomplishment sa war on drugs.