Gikumpirma sa abogado ni kanhi Pang. Rodrigo Duterte nga di matud pa kini makatambong karong adlawa alang sa nagpadayong hearing sa Kamara labot sa war on drugs ug extra judicial killings sa milabayng administrasyon niini.
Sumala pa kang Atty. Martin Delgra, legal counsel ni FPRRD nga ‘short notice’ matud pa ang gipadalang imbistasyon ingon man, dunay ginahambin nga balatian ang kanhing pangulo.
Kahinumdumang gibutyag sa Philippine National Police (PNP) nga si kanhi Presidente Rodrigo Roa Duterte nakadawat na sa imbitasyon gikan sa House Quad Committee.
Gani, usa ka representante ni kanhi presidente ang nakadawat sa imbitasyon kaniadtong dominggo, Oktubre 20, sa balay mismo ni Duterte.
Samtang daan ng nagpahayag ang kanhing pangulo nga mutambong kini sa pagdungog sa higayong makadawat kini og imbitasyon.
