Mi-surrender na ang founder ug kanhi executive sa voting machine company nga Smartmatic sa federal authorities sa Miami aron atubangon ang mga alegasyon nga mihatag sila ug suhol, aron makakuha ug mga kontrata sa 2016 elections sa Pilipinas.
Ang Smartmatic founder nga si Roger Piñate ug ang kanhi vice president sa hardware development sa kompanya nga si Jorge Miguel Vasquez ang susamang mi-surrender sa Miami federal court.
Matod pa sa akusasyon nga tali sa tuig 2015 ug 2018, sila si Piñate, Vasquez ug uban pa ang mihatag ug dili mo-ubos sa $1 milyong nga suhol kang kanhi Philippine Commision on Election (Comelec) Comelec chief Andres Bautista.
Si Piñate nga Venezuelan-American founder sa Smartmatic, ang mihatag ug $8.5 milyon nga bond ug pagkahoman gibuhian usab ang nahisgutan.
Wala usab kini mipasaka ug plea gumikan kay dili pa permanenteng nabutang ang abogado niini.
Samtang si Vasquez, 62-anyos ang nagkanayon nga wala kini kasal-anan sa mga kaso ug gibuhi-an kini gumikan sa $1 milyong bond.
Ang akusasyon nga gibalik sa federal grand jury ang naghisgot sa komplikadong pamaagi nga gikalambigitan sa matod pa sobrang pagsingil sa mga voting machine ug laundering, sa monetary instruments nga mga pagsupak sa Foreign Corrupt Practices Act.
Ang Smartmatic ang gidid-an sa Comelec niadtong milabay nga tuig nga musalmot sa contract bidding sa eleksyon, apan gibawi sa pinakataas nga hukmanan sa nasud ang pagdili niadtong bulan sa Abril.
Nakita sa Supreme Court ang abuse of discretion sa Comelec ban sa Smartmatic. Si Comelec chief Andres Bautista mao ang nangulo sa Comelec sukad sa tuig 2015 hangtod 2017, ang mihatag sa Smartmatic ug $199 milyon nga kontrata aron magamit sa Pilipinas ang 94,000 voting machine alang sa 2016 presidential election nga gidag-an ni kanhi Pangulong Rodrigo Duterte.
Samtang unang gipanghimakak ni Bautista ang bisan unsang kasaypanan, kung diin sa nahimong pamahayag niini nga wala siya nangayo o midawat ug bisan unsang suhol sa Smartmatic o sa uban pang mga entity.
Samtang gipahayag usab sa kompanyang Smartmatic nga nagpabiling inosente ang ilahang mga empleyado nga giakusahan hangtod nga dili pa mapamatud-ang sad-an.
