DAVAO CITY – Balhug na karon sa presohan ug naghulat na lamang kanus-a taralon ang kasong Syndicated Estafa ug Large Scale Estafa batok sa founder sa investment scam nga Titan 29 Marketing nga si Ryan Maunes human kini nasikop sa otoridad human ang iyang pagsibat dala ang milyon nga kantidad sa salapi sa iyang nailad nga mga investors.
Wala na nakaikyas ang nahisgutan human kini nasikop sa mga personahe sa National Bureau of Investigation (NBI) Tagum District Office XI sa Barobo, Surigao del Sur.
Mukabat sumala pa sa P500,000,000 ang natangag ni Maunes ayha niini gisibatan ang iyang mga investors.
Kahinumduman nga anaa sa 200 ka mga biktima nangayo ug pakitabang sa Tagum PNP human nga wala na nila igkita ang suspek ug wala pa sab sila nakatilaw ug pay out dihang misibat kini.
