Gikabutyag nga mamahimong makasuhan ug Obstruction of Justice si kanhi pangulong Rodrigo Duterte kung dili niini ibutyag sa Philippine National Police (PNP) kung asa nagtago ang puganteng si Pastor Apollo Quiboloy.
Gipahayag ni PNP spokesperson P/Col. Jean Fajardo, pagatun-an sa mga abogado sa PNP kung seryoso si Duterte sa interview niadtong dominggo nga nasayod kini sa gitago-an ni Quiboloy apan dili kini niya mahimong ibutyag sa media.
Dugang gipahayag sa tinubdan nga dili mamahimong magamit nga ebidensya ang video sa interview, hinungdan gikinahanglang personal nga estoryahon sa kapulisan sa mga pulis si Duterte mahitungod niini.
Samtang gipahayag usab ni kanhi Executive Secretary Salvador Medialdea, wala nagkomedya si Duterte apan dili kini mapugos nga isulti ang gitago-an ni Quiboloy gumikan sa attorney-client privilege isip tig-atiman sa mga kabtangan sa pastor.
