Miubos na sa pito ka milyon ka mga ektarya ang forest land sa Pilipinas, subay sa labing ulahing report sa Department of Environment and Natural Resources (DENR).
Kini ang mas ubos ug katunga sa kapin 15 million ka ektarya sa mga forest land sa nasud.
Adunay kinatibuk-an nga 30 milyon ka mga ektarya nga yuta ang Pilipinas ug ang katunga niini ang kanhi na nga na-classify isip mga forest land.
Sumala kang Environment Secretary Maria Antonia Yulo-Loyzaga, apektado sa climate change, pagkahanaw sa biodiversity ug polusyon ang tibuok kalibutan, ug dili luwas niini ang mga kalasangan sa Pilipinas.
Gawas sa mga kalasangan, apektado usab ang mga katubigan o fisheries and aquatic resources sa nasud.
Gumikan sa grabe nga deforestation sa nasud, naningkamot karon ang ahensiya aron mapa-usbawan ug gikan pito ka milyon hangtod sa napulo ka milyon ka ektarya ang forest land sa nasud.
Pagpasabot ni Loyzaga, nga sa nakalbay nga tuig nahimo sa ahensiya nga ma-map out ang 1.2 million ektarya sa kayutaan nga abrihan sa nagkadaiyang mga people’s organization nga motabang alang sa reforestation project niini.
Naglaom ang kalihim nga madugangan pa kini ug tulo ka milyon ka ektarya nga susamang mapailawom sa reforestation pag-abot sa 2028.
