DAVAO CITY – Gilaraw karon sa lokal nga panggamhan sa probinsya sa Davao Oriental ang pag-abli sa mga commercial flights paingon Mati City.
Nakighinabi si Davao Oriental Governor Corazon Malanyaon ug Mati City Mayor Michelle Rabat sa mga executives sa usa ka Filipino-owned global airline aron hisgutan ang pagsugod sa ilang operasyon sa ilang mga gagmayng aircraft paingon sa dakbayan sa Mati.
Gipanaad sa mga mamumuno nga magsunod sila sa ginapangayong rekisitos ug mga sumbanan sa airline company aron madalit na ngadto sa mga turista ang mga commercial flights paingon sa maong probinsya.
Tungod sa maong laraw, posibleng maghatag kini ug dagkong garbo sa probinsya ug pag-usbaw na sab sa natad sa turismo.
Gilaumang mahitabo ang pinakaunang flight pa-Mati City sayo sa tuig 2023.
via || Bombo LJ Florendo
