Gipahayag sa pamunuan sa Bureau of Internal Revenue (BIR) nga posibleng ipaserado ang mga online marketplace susama sa Facebook ug Shopee kung ang dili mga rehistradong online sellers ang makabaligya pa gihapon sa nahisgutang mga online platform.
Gipahayag ni BIR Commissioner Romeo Lumagui Jr., ang mga online seller nga dili rehistrado sa BIR, ang dili angay tugutan sa mga online marketplace.
Dugang pa niini nga sa higayong makita nila nga ang e-marketplace o ang nahisgutang mga platforms ang nagtugot nga mubaligya ang mga online sellers nga dili rehistrado, padalhan kini nila ug sulat aron maseguro nga matanggal kini nila.
Sa higayong dili pa gihapon nila tanggalon ang mga online sellers nga dili rehistrado, ilakip ang mga nahisgutan nga ma-shutdown ug mapahunong ang ilahang platform.
Gikanayon sa BIR nga ang usa ka online marketplace ang usa ka digital service platform nga nagsilbing intermediary nga nagkonekta sa mga online nga mamalitay sa mga online nga nagbaligya o merchant.
Subay sa BIR Revenue Regulation 16-2023, ang mga online marketplace ug digital financial services providers (DFSP) ang mokuha ug 1% income tax sa katunga sa kinatibuk-an nilang remittance sa nagbaligya sa mga produkto ug serbisyong gibaligya pinaagi sa ilahang platform.
Kung kahinumduman, gisugdan sa nahisgutang ahensya ang pagpatuman sa withholding tax sa mga online marketplace batok sa mga online sellers niadtong Hulyo 15, homan sa 90 ka adlaw nga extension.
Samtang ang mga DFSP ang gihatagan ug usa pa ka 90 ka adlaw nga transitory period hangtod sa Oktobre 12 aron han-ayon ang sistema niini sa pagpahamtang sa withholding tax.
