DAVAO CITY – Gisubay sa City Disaster Risk Reduction Management Council (CDRRMC) sa pagpanguna ni Alfredo Baluran, head sa City Disaster Risk Reduction Management Office (CDRRMO) ug Philippine Institute of Volcanology and Seismology (Phivolcs) ang dugang upat ka mga fault line sa dakbayan, labi na ang Tamugan, New Carmen, Colosas Fault sa Paquibato ug Biao Escuela Fault sa Tugbok District.
Mipahimutang sila ug permanent marker sa mga fault line aron nga magsilbi nga giya sa mga residente nga delekado ang pagpabarog ug mga estratura doul niini.
Abesohan sab ang barangay nga mohimo ug disaster preparedness plan isip pagpangandam kung ugaling moigo ang kusog nga linog.
Kaganiang buntag mipahigayon ug walk the fault ang Phivolcs sa Barangay Bago Oshero ug mipahimutang ug markers sa duha ka mga purok nga nagpatong sa Lacson Fault.
Karong hapon ang uban dapit na sab sa Barangay Mintal ang mahimutangan ug marker labi na kadtong mga nagpatong sab sa Dacudao fault.
