DAVAO CITY – Mi-angkon si Fr. Bert Alejo nga mituo siya sa nahimong pasangil nila ni Edgar Matobato ug Arthur Lascañas nga adunay kalambigitan si Pangulong Rodrigo Duterte sa gikanayong Davao Death Squad (DDS) nga maoy responsable sa pagpatay sa mga gituohang nalambigit sa ginadili nga droga ug uban pang krimen.
Kahinumduman nga gitudlo si Alejo kauban si Sen. Antonio Trillanes ingon man Atty. Jude Sabio sa gikanayong misulay sumala pa pagsuhol kang Guillermina “Grace” Barrido Arcillas aron iduot si Pangulong Duterte sa isyu sa illegal drugs.
Gikanayon sab ni Fr. Alejo nga sa kasamtangan, tulo pa ka tawo ang miduol kaniya aron nga mangayo ug assistance kalabot sa mga illegal nga aktibidad ingon man anomalya nga hinimuan sa mga opisyal sa gobyerno.
Subli sab nga gibarugan niini nga igo lamang siya nga mitabang sa pamilya ni o Arcillas sukwahi sa pasangil niini nga gisuholan siya sulod sa pipila ka higayon samtang gi-andam ang gikanayong bakak nga affidavit.
