DAVAO CITY – Nagpadayon karon ang pagkatag sa fake news kalabot pa gihapon sa Coronavirus Disease (COVID-19).
Pinakaulahi nga biktima niini mao ang Davao Medical School Foundation Inc. nga gika-report nga aduna sumala pay gidala nga pasyente nga natakbuyan sa maong disease.
Gipanghimakak sa nahisgutan nga balay tambalanan ang maong impormasyon ug gitino nga wala kini kamatuoran.
Kahinumduman nga una ng migula ang impormasyon nga nagpahigayon sumala pa ang nahisgutan nga hospital og pagpanglimpyo sa ilang pasilidad human nga aduna sumala pay pasyente nga nagpositibo sa COVID 2019.
Una ng gibutyag sa Department of Health (DOH) nga wala sumala pay kaso sa Patient Under Investigation (PUI) sa Davao region nga nahimong positibo sa nahisgutan nga sakit. Una na sab nga nanawagan ang health department sa publiko nga dili gilayon motuo sa mga report nga nagkatag karon sa social media nga mamahimong hinungdan lamang sa kahadlok sa publiko.
Sa mga magpakatag og sayop nga impormasyon, mamahimo sumala pa kini nga mabilanggo sulod sa usa ngadto na sa unom ka bulan ingon man pamultahon og P40,000 ngadto na sa P200,000.
Mamahimo sab kini nga masilutan ilalom sa Republic Act 10175 o mas nailang Cybercrime Prevention Act of 2012.
