DAVAO CITY – Gipahibalo karon sa Department of Education Region XI (DepEd-XI) nga gitugot na niini ang pagpahigayon ug face-to-face moving up, recognition ug graduation ceremonies alang sa schoolyear 2021 – 2022 alang sa mga public primary ug secondary school sa dakbayan sa dabaw, basta sa kondisyon nga ang mga instructions nga naa sa memorandum nga gitalid sa DepEd nga nagmando sa public ug safety guidelines ang natuman una ug gisunod atol sa nahisgutang kalihukan.
Gikanayon ni DepEd-XI Spokesperson Jenelito Atillo nga ang plano sa mga tulunghaan nga mopahigayon ug end-of-schoolyear rites angayang mohatag ug prayuridad sa pag-kuha sa parents consent aron masiguro nga ang matag partisipante nga estudyante ang ubanan ug usa lamang ka ginikanan o guardian, ug angayang seguruhon nga ang seating arrangement ang naplastar ug sayo ug misunod sa social distancing protocols.
Sa pikas bahin, bisan ug gipahayag ni Mayor Inday Sara nga dili siya supak sa face to face ceremonies, gitin-aw ni Atillo nga bugtong mga public elementary ug secondary schools lamang sa mga dapit nga naa sa levels 1 ug 2 alert levels ang bugtong gitugutan nga makapahigayon ug hybrid face-to-face rites, ug dili apil niini ang mga lugar nga ilalom sa alert level 3 ug mas taas pa.
Ang schoolyear 2021-2022 ang opisyal nga mahiuman sa June 24, 2022.
